السلام عليكم ورحمة الله وبركاته الله يسعد مساكم بكل خير جميعا اخواني
اه ارسل لي احد الأطفال سنا او عقلا رسالة وطبعا يحاول ان يسرق الواتساب
ويقول مساء الخير وكيف حالك عساك بخير قلت عليكم السلام ورحمة الله وبركاته
هلا بك حبيبي طبعا ارسل الصورة هذي انا من ارسلها عرفت انه يبغى الرقم حق التفعيل يقول
وصلتني رسالة الحين من رقمك غريبة والله ما ادري شو غرضها طبعا حتى كلمة شو غرضها تدل
انه ما هو بسعودي هو هنا يحاول انه يبعد التهمة
يعني انه جاني رسالة من جوالك الى اخره قلت رقمي انا وش المطلوب طال عمرك
لاني انا عارف انه بيقول عطني اياه الصورة او عطني الرقم هنا ارتدى جلباب الحياة والادب والخوف
والاخوة وقال شكله فايروس تأكد من رسائل النصية حقتك وطمني طال عمرك وكان طبعا حاط
صورة واحد لابس بشت ومسمي نفسه محمد القحطاني وقحطان بريئة من هذا واشكاله
قلت له تأكدت فيها رسالة من الواتساب هنا جا يكمل بقية الفيلم يقول كيف من واتساب
ارسل لي الصورة اشوف الرقم اللي وصلتك منه الرسالة الله يسترنا بستره
لاحظوا هنا ما قال عطني الرقم اللي جاك بالرسالة لا صور الرسالة ابى اشوف الرقم اللي جتك
من هالرسالة وبعد الشبهة ما يبغى يتكلم في الرقم السري قاعد يتكلم في الرقم الثاني قلت
له ابشر انا على طول قلت له ابشر دقيت عليه طبعا هو عامل حساب الشي هذا وحاضر
جوالي او انه محول جواله على مشغول دقيت على دقيت عليه ما رد قلت له ممكن ترد اخوي
محمد القحطاني ادق لكن للاسف مشغول بودي ترد عشان نتفاهم
